రోహిత్, కోహ్లీలకు రెస్ట్ ఇవ్వడంపై ట్విట్టర్‌లో ద్రవిడ్‌పై విమర్శలు.. #SackDravid, #SackROVID ట్రెండింగ్‌
Johan
వెస్టిండీస్‌తో వన్డే సిరీస్‌లో జట్టు ఎంపికలో తీసుకుంటున్న నిర్ణయాలపై నెటిజన్లు హెడ్ కోచ్ రాహుల్ ద్రవిడ్‌పై విమర్శలు గుప్పిస్తున్నారు. విశ్రాంతి పేరిట కెప్టెన్ రోహిత్ శర్మ, విరాట్ కోహ్లీలను రెండు, మూడో వన్డేల నుంచి తప్పించడంపై మండిపడుతున్నారు. వరల్డ్ కప్‌ సమీపిస్తున్న తరుణంలో తుది జట్టు కూర్పును ఖరారు చేయకుండా ప్రయోగాలు ఎందుకని ప్రశ్నిస్తున్నారు. ఇంకెప్పుడు తుది జట్టును ఖరారు చేస్తారని ఆగ్రహం వ్యక్తం చేస్తున్నారు. రాహుల్ ద్రవిడ్‌ను తొలగించాలంటూ #SackDravid, #Sack ROVID హ్యాష్ ట్యాగ్‌లను ట్రెండింగ్‌లోకి తెచ్చారు.
